POLŞA DİLİ VƏ MƏDƏNİYYƏTİ MƏRKƏZİ

Mərkəz Polşa əsilli tələbələr və xarici ziyarətçilər üçün Polşa dili və mədəniyyəti üzrə tədris proqramları və kursları təşkil edir, dərsliklər və tədris materialları hazırlayır və Polşa dili və mədəniyyəti ilə bağlı elmi tədqiqatlar aparır.

Heyət 15 akademik müəllim və 6 inzibati personaldan ibarətdir. Bizim bütün müəllimlərimiz Polşa dilinin ikinci dil kimi tədrisində ixtisaslaşan universitet məzunlarıdır və onlar uzun illər tədris təcrübəsinə malikdir. Universitetin digər bölmələrindən seçilən təlimatçılar xüsusi mühazirə və müzakirələr üçün dəvət olunur.

Mərkəzin standart təklifi iştirakçıların fərqli tələbat və tələblərinə uyğunlaşdırılır və aşağıdakıları özündə cəmləşdirir:

  1. Polşada təhsil almaq istəyən əcnəbilər üçün bir illik hazırlıq kursu;
  2. Əcnəbi tələbələr üçün humanitar elmlər sahəsində aspirantura proqramı;
  3. Polşa dilinin xarici dil kimi tədrisində aspirantura proqramı;
  4. Polşa dili və Polşa mədəniyyəti üzrə yay kursları;
  5. Polşa dili üzrə qısamüddətli kurslar.

Bundan əlavə, Mərkəz öz dil bacarıqlarını təkmilləşdirmək və Polşa tarixi və mədəniyyətinə dair biliklərini artırmaq istəyən əcnəbilər üçün bir sıra xüsusi kurslar təklif edir. Əlavə proqram əsas Polşa şəhərlərinə səfərlər, sosial tədbirlər və muzeylərə və kinoteatrlara səfərlər təklif edir.

Əsas fəaliyyətindən başqa, Mərkəz, görüş yeri və Şərq və Qərb mədəniyyətləri arasında körpü rolunu oynayır. Hər il dünyanın bütün nöqtələrindən 120 – dən artıq tələbə bizim bir illik proqramda, 200 – dən artıq tələbə isə yay kurslarımızda iştirak edir. 1991 – 2018 – ci illər ərzində Mərkəz tərəfindən təşkil olunan kurslarda 85 ölkədən olan 12 000 – dən artıq tələbə iştirak etmişdir.

Məktəbimiz şəhər mərkəzinə yaxın olan universitet kampusunda yerləşir və onun müasir binası zal, sinif otaqları, kitabxana, oxu zalı və kompüter otağından ibarətdir.

Daha çox məlumat: https://www.umcs.pl/en/cjkp-en.htm